શનિવારે ભારતીયવિજ્ઞાનસંસ્થાનમાં નવાગંતુકો માટે "Choksi Hall "માં freshers partyનું આયોજન કરવામાં આવ્યું. અમારા નાના છતાં વ્હાલા "ગુજરાતી પરિવાર"માં નવા લોકો જોડાયા તેની ખુશીમાં આ આનંદોત્સવની ઉલ્લાસભેર ઉજવણીના ભાગરૂપે અમે સૌ ગુજરાતી ભાઈઓ અને બહેનોએ સંગીત, નૃત્ય અને હળવી ટીખળ-મસ્તીથી આ કાર્યક્રમને એક યાદગાર સ્મૃતિ બનાવી દીધી.
કાર્યક્રમની શરૂઆત સંગીતખુરશીની રમતથી થઈ. નવાઈ પમાડે એવી આ શરૂઆતનો લ્હાવો તો કીન જુદો જ હતો. બધાં નવાગંતુકો જેમ જેમ રમતમાંથી બાહર થાય તેમ તેમ તેઓને પોતપોતાનો પરિચય આપવાનો હતો તેમજ પોતાના ચયન મુજબ કોઈ એક પ્રસ્તુતિ આપવાની હતી.મજાક મસ્તીના આ દોરમાં સમય કેમ વહી ગયો એની ખબર જ ન રહી. છેવટે અમે બધાં લોકોએ સાથે મળીને સ્વાદિષ્ટ ગુજરાતી ભોજન લીધું. ખરેખર, આ કાર્યક્રમ હંમેશ માટે મારા સ્મૃતિપટ પર અંકિત થઈ ચુક્યું છે(ખાસ કરી ને ત્યાંનું ભોજન!).
બધાં ગુજરાતીઓને મારી શુભકામનાઓ,
પ્રણવ ગુપ્તા.
No comments:
Post a Comment